|
|
Fiordoan Hitzak |
1. FIORDOA UDABERRIAN
Ene kanoan nindoan, Itsasoan nindoan, Arraunka nindoan lehunkiro Ammassivik fiordoan. Izotza zegoen uretan Eta arraintxo bat ere bai Bere burua alde batetik bestera Mogitzen, baina berak Ez ninduen arraunka ikusi. Batbatean buztana eraginik Desagertu zen, Uretan murgildu zen, Baina ez nigatik. Urazalean buru handi bat, Foka handi bat iletsua, Buru erraldoi bat, bi begi, eta bibote, Dirdiratsua eta ura zeriola Astiro astiro hurbildu zitzaidan Foka hura. Zergatik ez nion arpoia jaurti? Gupidatu egin nintzen? Egunagatik ote, udaberriko egunagatik, Foka hura eguzkitan Jolasten zelako ni bezala? Anonimo eskimala. Musika: Jabier Muguruza. 2. IRITZIAK EURIAZ Hasiera batean, ehun urterako laurogeitamar falta zitzaizkidan eta euria euria zen eta ez besterik; Iritzirik euriaz? Batere ez neukan Tantoari tantoa jarraitzen zitzaion bideak lokatzez betetzen ziren eskola urrun zegoen baina, zer axola? Ehun urterako laurogeiren bat falta zitzaizkidan garaia iritsi eta neska bat jarri zen nire aterkiaren babes urrian Oi euri maitea, pentsatu nuen nolako laguntza ematen diozun Cupido ttikiari jarrai, jarrai arren ez etsi, oi euri. Ehun urterako hirurogei edo falta zaizkidan une honetan euria ez da jada euria bakarrik baizik eguraldi txarraren mutur edo alderdi bat; kritika zorrotz bat bidaliko nuke laino goibeletara baina euriak, ai ez dit entzun nahi. Hitzak: Bernardo Atxaga. Musika: Jabier Muguruza. 3. NIK EZ DIOT BARRERIK EGITEN Nik ez diot barrerik egiten herrian inor ez denari. Ekin eta ekin, zer edo zer lortu nahian zoritxarrak baztertzen duenari. Nik ez diot barrerik egiten mehatzean, fundizioan, zurginolan seme-alabentzat lanean ari denari. Txina, Afrika edo Galiziatik etorritakoari. Gerrate guztiak galdu dituen errugabeari. Gogorkeriak birrindu, eta lurperatu duenari. Nik ez diot barrerik egiten inork benetan hartzen ez duenari, mostradore aurrean isilean eta arrastaka ezkutatzen denari, beharrak torturatuari, barrena hustu zaion beste preso bati. Nik ez diot barre egiten adiskide berrien falta nabaritzen duenari, iltze-zapatekin ostikatu dutenari, ilunetik irten eta ilunera itzultzen denari, kalekantoian bakarrik ahozpez etzanda dagoenari, nik ez diot barre egiten berriro esnatu nahi ez duenari. Hitzak: Jose Luis Padron. Musika: Jabier Muguruza. 4. A VECES A veces, cuando la noche me aprisiona, suelo sentarme frente a una cabina, y contemplo las bocas que hablan, para lejanos oídos. Y cuando el hielo de la soledad, me ha desvenado, los barrenderos moros canturrean tristemente, y las estrellas ocupan su lugar, Yo acaricio el teléfono y le susurro sin usar monedas. Hitzak: Félix Francisco Casanova. Musika: Jabier Muguruza. 5. PANTERA EMEA Andere horrek bere burua panteratzat dik eta batzutan larrua jotzen ari garenean marmarka eta txuka hasten duk eta ilea aurpegira jausten zaiok eta kirruen artetik begira bere letaginak erakusten dizkik baina nik musua eman eta larrutan jarraitzen diat. Eman diok inoiz musua panterari? ikusi duk inoiz pantera emea amodioz gozatzen? ez dakik amodioa zer den, amigo, heure errubia tindatuekin heure urtxintxa eta ardiekin. Panterarekin oheratu eta harrezkero ez huke desiratuko ez urtxintxarik, ez ardirik, ez azeririk, ez elefanterik, deus ere ez salbu eta pantera emea pantera emea heure logelan barrena paseatzen pantera emea heure ariman barrena paseatzen. Bukowskiren poeman oinarritua. Musika: Jabier Muguruza. 6. LAGUN BATEK ESAN DIT Lagun batek esan dit lanik ez duenez etxean ez dutela aintzat hartzen. Neska lagunak ere begia lehen bezala argitzen ez ote dion hasia dela kezkatzen. Arazoak dituela ibiltzeko adiskideekin ordaintzea egokitzean ez dakiela zer egin. Zakurrak berak ere agurra diola urritu etxera heldu eta altxatu gabe segitu. Kalera atera eta aterkia bazaio ahazten hutsik gabe euriak atzetik duela jotzen. Betiko kale zaharra atzean ezin ahaztu noranahi eginda ere egiten dio jarraitu. Hitzak: Iñaki Irazu. Musika: Txema Garcés. 7. GAUA, HOTZA, NEGUA Esnatu eta tren huts batean nago. Jomugara aspaldi iritsia, bagoi luzea jendez hustu da. Ilunak hoztu egin du kristalen kolorea. Geltokian ere inor ez, bakardadearen estuasunetik ihesi denak. Ahuldua, ezer egiteko kemenik gabe, ikara sentitzen dut, tristurak itotzen nau. Nola iritsi naiz izarren distira izoztuaren pean hedatu den desanparo gordin honetara? Nola barneratu zait txakur basatien izu deslaia bihotz zuloraino? Tren huts batean sentitzen naiz, maite, esnatu eta ondoan ez zauzkadanean. Hitzak: Pako Aristi. Musika: Jabier Muguruza. 8. HILTZAILE ZURIA Telebista aurrean hitz ederrean korbata jantzita bizarra txukun eta trajea ondo lisatuta, hiltzaileak ez du ematen hain hiltzaile. Inor hiltzekotan esku-zakar etzaitezela ibil: xaboia erosita ondo garbitu eta findu esku zuriaren ekintzak hain beltza ez du ematen eta. Telebista aurrean hitz ederrean gure gizonaren ihardunaldian arreta handiz aditzen diote, unea emanez aintzat hartuz agurtzen dute Izan ere lagun ikusiko duzu itxurak gordez hortzak garbituz ele zuriz egoki hornituz egindako krimenak nola ez duen hain krimen ematen Eta hiltzaileak hemen ez du ematen hain hiltzaile korbata jantzita bizarra txukun eta trajea hitz ederrean telebista aurrean. Hitzak: Iñaki Irazu. Musika: Jabier Muguruza. 9. EUSKADI, JENDE GUTXI Euskadi jende gutxi eta denok erdi-lehengusu arraza hau behar da nahastu Euskadi toki gutxi eta elkarri egiten enbarazu hau marka! hemen galtzerik ez da Euskadi jende gutxi baina denok ere ondo zaratatsu eskas gosaldu arren ozen hitz egiten Euskadi zenbat bazkari afari askari hau lana! sabela betetzen ezertarako astirik ez Ama Lur Ama Birjina Goizeko Izarra Aberri Zaharra potaje ederra alde egin beharra. Hitzak: Iñaki Irazu. Musika: Jabier Muguruza. 10. NIÑO Niño, bakarrik haiz kalean Niño, gora eta behera hirian Kubotapa makilaz jotzen Bandako buru bere desfilean Burua zeruan eta oinak ia hondartzan Niño 5.000 Km.ra Niño, la familia zain zegok Sunset Boulevard aldean Burni heziari soinu jotzen Etxea gogoan kotxe baten gainean Niño, egun batean guztiek Niño, deituko dizute El Rey Niño de la playa y de la ciudad Niño de las calles y la verdad El ritmo de tu pueblo se siente aquí Al canto de la tierra que vive en ti Niño, egun batean hiri hau Niño, heurea izanen duk. “Cántamé mis canciones” fonogramatik Jackson Browne / Jabier Muguruza. 10. AMATXI PIRATA Amatxi pirata lastozko sonbreroz Hendaiako hondartzan Ondoan dabiltzan umeen antzera ertzean plisti-plasta Amatxi pottoka zerbait izkutatuz min zaharra gogoan Eta Europan barrena leku izenak aldatuz biok far batean Edota etxean zer moduz ttikiak pintxo eta ardoa Andre-piruleta haurtzaro gabea amatxi madama Orain utzidazu laztantzen itsasoko urak bezala isil-isil, xamur-xamur itsasoko urak bezala Inork ez dizu minik egingo egon lasai. Hitzak eta musika: Jabier Muguruza. |
|
|