|
|
Enegarren postala Hitzak |
1. CCCLXII
(Ibon Sarasola, Jabier Muguruza) Arrunkerien kontra jardun ondoren lapitza hartu dut. Hitz bakan batzuk aurreratu ditut paper batean “ere ez” “zergatik” “hau eta hura” “ez” “eta gero ere” idatzi dut. Sentidurik ez duten hitzak paroles sans suite idatzi ditut. Jeiki egin naiz. Besoak mugitu ditut, jestikulatu egin dut. Gero adiskide bati telefonoz deitu diot eta lasai gelditu naiz. 2. LOAK HARTUTAKO TXORI BAT IZAN NAHI NUKE (Jose Luis Padron, Jabier Muguruza) Loak hartutako txori bat izan nahi nuke, basoan edo zelai lasai batean; eta haizearen norabide berberan joan aurrera, gero eta libreago, gero eta urrutiago. Baina ez dut baso edo zelai lasairik aurkitzen, eta hegada bakoitzeko, nahiz eta erori ez, dudatan jartzen ditut nire ametsak. Eta gero eta iluntzenago ari da, eta begiak alferrik nekarazten segitzen dut, eta haizeak, lagundu partez, aurka jartzen zait. 3. PETITA FESTA (Marià Manent, Toti Soler) Prenc un flascó de vi i entre les flors bevia. Som tres: la lluna, jo i l’ombra que em seguia. No sap beure, per sort, la lluna, bona amiga, i a la meva ombra mai la set no l’angunia. Quan canto, veus ací la lluna que s’ho mira; quan em poso a dansar, l’ombra em fa companya. Quan s’acaba el festí, els convidats no em fugem: veus ací una tristor que mai no l’he tinguda. Si me’n torno al casal, em segueix l’ombra muda, i una mica més lluny m’acompanya la lluna. 4. TIRO BAKAR BATEZ BI TXORI (Inazio Mujika Iraola, Jabier Muguruza) Ederra izango litzateke, ez ukatu niri, militar guztiak zezen-plazetan sartzea eta handik irteten ez uztea. Gozamen itzela, hi, borrokan ikustea zintzoak besteen aurka, txulialeku batetik bestera garrasika, eta alderantziz, batzuek besteei ikaragarrikeriak esaten elkarren barrabil gurinak konparatzen. Zama bat gainetik kentzea bezala, adiskide. Eta aitortzen dut pozik guardia egingo nukeela plaza haietako baten ate aitzinean, Iruñean, esaterako -okerragoetan ibiliak gara, laguna-. Eta aitortzen dut pozik hornituko nituzkeela Dick whiskyaz, barrutik berri bila aterako liratekeenak oro. Eta bizkarra ukitzen utziko nieke, haien lerde jarioa pozik eramanen, esaten didatelarik: “Horrela gustatzen zait, mutiko saiatua izan zaitezen”. 5. ENEGARREN POSTALA, FILMETAN BEZALA (Gerardo Markuleta, Jabier Muguruza) Litezkeen erantzun guztien artean aterpe barik hartzen nauen bakar hura hautatu dun, maitte: isiltasuna. Gogoz jarrairiko zoriona opa dinat eguneroko gura, lan ta nekealdiz gozatutako mende laurden berria. Biguna izan bedi gurekin denbora, samurraren aldeko azken gudariok; biguna, halaber, hire edertasunaz. Ta jar diezazkigun bidean sarritan elkar ikusteko parada eder, samur, anbiguo samarrak, filmetan bezala. 6. NIRE PSIKOANALISTA (Iñaki Irazu, Jabier Muguruza) Gaurkoa ez da izan egun ona, inondik ere nire psikoanalistak buruaz beste egin du, haren emazteak hotsegin dit esateko “baina, nola egin ahal izan dit hori niri!… ez diot gero inoiz ere barkatzerik izango!” ordubetez edo entzuten egon natzaio horixe behar baitzuen, inorekin askatu esan diot ez zuela errudun sentitu behar bizitzak halakoak ekartzen zituela eta gizonak ezin ziolako zoriona eman hartua zukeela erabaki tamalgarria erditik kenduz, bera libre gera zedin halaxe bizitza berri bati ekin ziezaion inolako trabarik gabe berriro has zedin. Labur, zion maitasunagatik egina zuela. Argi asko zegoela, ikusi nahi zuenarentzat. Eta azkenean lasaiago geratu da eta ene hitzak oso baliagarriak izan zaizkiola aitortu ere aitortu dit, eskerrak emanez bihotz bihotzez, hurrengo baterako geratuz. Izan ere, dena merezi dute buruaz beste egiten duten psikoanalisten emazte gaisoek. Ni ere, nekeak jota baina pozik gelditu naiz. Psikoanalistari esker zentzu bat izan du nire gaurko egunak. Ez naiz alferrik bizi eta bestalde, nor bizi ote da zorion betean? nork ote du dena bere bizitzan?… Denek ere izango dute, bada, zer edo zer, ez dakit gabeziaren bat, damuren bat isil-gordean… baina hainbeste hitzegin da hitzegin, azkenean burua joan zait, “harritzekoa!” esango zukean ene ama zenak, gaisoa aspaldi joan zen hemendik beste mundura hau burua! hau burua! ahantzi egin zait psikoanalista berri bat bilatu behar dudala eta berarekin laugarrena ere egingo du aurten aldatzen dudala psikoanalistekin… 7. HAN DENA ERRAZAGOA DA BETI (Jon Benito, Txema Garcés) Zerbait hautsi zaigu Eta ez dakigu zer Baina zerbait hautsi zaigu Badakit hori Bestelako hitzak dituzulako Bestelako begiak Eta behar ez den hizkuntza Badakit zuk desiratutako guzia ezin eman dizudala Zerbait hautsi zaigu Ez dakigu zer baina Zerbait hautsi zaigu Ez dakigu non Ez dakigu zer baina Zerbait hautsi zaigu Badakit zer eskatu ahal dizudan Badakit zer geratu den gugandik Bide berriei elkarrekin ekiteko. 8. EZAGUTZEN AL DUZU NEGUA? (Joseba Sarrionandia, Jabier Muguruza Elurra ari zen erortzen lurra estaliz elurra elurra estaliz eta elurtzan barrena irten nuen baserritik drazz drazz drazz horrela galdu nintzen elurtzan drazz drazz drazz jarraitu nuen eta itzulera biderik gabe dena elurra bezain hotza eta isila egin zitzaidan eta bildurtu nintzen eta iluntzea zen eta mara mara iraun zuen elurrak lodia ugaria gupida gabea drazz drazz drazz eta bapatean elur pilo bat erori zitzaidan aurpegira bi belek astinduriko arramatik ozta ozta zutitu nintzen eta ordura arte enea izandako guzia ez zen harrezkero enea ez futboleko baloia ez aittittek egin egurrezko ezpata ez eguzkia dena elurra bezain zuria eta esanahirik gabea egin zitzaidan. Amamak aurkitu etxera eraman eta erropa bustiak eranzteko sutondoan biluzik jarri ninduenean toailaz lehortzen ninduela elurmina hitza aipatu zuen han epelean eta nik elurmina errepikatu nuen birritan edo hiru bider (egun hartan negar egin nuen eta ez zen beste ezer gertatu) 9. PLAZER BAT DA (Iñaki Irazu, Karlos Gimenez) Plazer bat da zurekin gosaltzea isil-isilik periodikoa letzen eta noiz-behinka soa jasota zu ikustea hortxe, aldamenean zure itzalaren bakea izatea Plazer bat da igandeetan adibidez auzo honetan isiltasuna etsia izaten denean, gogoa aske egitekorik gabe orduak aurrera joan doazela lepoko gabeko zakurra bezala Plazer bat da ondo lo eginda zure betartea garbi berri aurrean izatea uretatik ageri den irudi, igandeetan adibidez gosari zeretan noizbehinkako hitz barea elkarri egitea Gogoko dut kafearen beltza eta usaina sukalde barrena dena hartzen igandeetan batez ere zigarroaren kea bere eskerra lasaian hartzea ogiaren beroa eta balioa, dohainik dohain begia arintzea |
|
|