|
|
Boza barruan Hitzak |
1. MAZISI OKEITA DENBELEK Mazisi Okeita Denbelek Bilboko kafetegian kafe kikara eskuetan hartu eta ezpainetara darama pentsakor. Zer ari ote da pentsatzen Mazisi Okeita Denbele kafetegi honetan, urrun etxetik hain urrun, Bilbaon. Afrikatik etorritako gizon honi begiratzen diot mostradore-atzeko ispiluan kafea hartzen ari da pentsakor. Ispilu aurrean dauden bi koinak botilen artean justu hortxe ikusten ditut gizon honen begiak, pentsakor. Afrikaldeko bere herrian ari ote da pentsatzen? hango andre batengan? hango lehorteaz? hango gerraz? Lingo lingo Mboka te Lingo lingo Mondele te Lingo lingo Moginolo te Tina Tokabuana Ngo Salo Noko Mama Tina Toyinama. Hitzak: Bernardo Atxaga. Musika: Jabier Muguruza. 2. BOZA BARRUAN “Itzuliko naiz itzuliko naiz” erran zion mutikoari mutiko hori orain leihotik begira da beti haruntza begira zain. “Mutiko, egon zaitez lasai itzuliko naiz eta” hodeiak dira goitik antzarrak iragaiten dira hego aldera hemendik. Antzarrak joan ziren ez dira itzuli aspaldian inor gutxi da kalean mendiko gizona ez bada jeisten denean. Mutikoa hazi da etxe hutsean da gizon bat leihotik begira haruntza begira zain mendi aldera beti. Herrian bakarrik da inor ez kale bustietan mutuan boza barruan musker batek dio begiratzen mendira egitean. Hitzak: Iñaki Irazu. Musika: Jabier Muguruza. 3. LAGUNAK BEZALA Lagunak bezala erran zenidan nik erantzun nizun: ondo. Kafera gonbidatu zintudan lagunak bezala. Irrifartsu eta elkarri begira pentsatu nuen: ze ondo. Afaltzeko ere geratu ginen lagunak bezala. Larunbatean lagunak bezala nik erantzun nizun: ondo. Gaua aurrera zihoan eta ez zegoen batere presarik. Dantzan egin genuen lotu-lotuan eta geldi-geldian. Zure burua ene lepoan zoriontsuak ginen. Baina goizeko bostak aldean erran zenidan adio, ikusiko gara, ikusiko gara lagunak bezala. Zure kotxean kale bakartian urruntzen ikustean hutsunea sentitu nuen barruan bakarrik gelditzean. Hitzak eta musika: Jabier Muguruza. 4. MARÍA Musika: Roberto Yaben. 5. ASMAKIZUNA 1 Etxean eta bakarrik uzten dudan bakoitzean, berak, bi urteko umearen buruaz, paseatzera noala pentsatzen du, eta baita borroka egitera ere, adibidez parkera, adibidez ahate harroekin zalapartaka iturri ingurutan. Baina halere inork ez luke esango juzku txarrerako joera duenik, berak ez baitaki ezer, esate baterako lanaz esate baterako medikuetara, buruko minez dabilelako edo, joan beharra daukanaren kezketaz. 2 Ez dio heriotzari batere beldurrik, ez da arduratzen bonba edo poliziez, ez da larritzen, are eta gutxiago, nonbait adibidez Espainian adibidez hogeigarren mende bukaeran, isiltasunez inguratuta dauden esterminiozko gartzelak direla eta. Baina halere, inork ez luke esango, bihotz gihartsukoa denik dardar batean jartzen baitute esate baterako petardoek esate baterako gazte batzuk gorriz pintatutako porteriarantz edo bere gainetik bidaltzen dituzten baloiek. 3 Eta jan, lehertu arte jango luke, haragia, gazta eta berriro haragia bere plateratik edo nire eskutik eta baita zabor poltsetatik ere adibidez Bilbon, adibidez eskale batekin lehian hortzak patata azal artean sartuz. Baina halere, inork ez luke esango jatun baldarra denik instantera galtzen baitu gogoa esate baterako zapuzten denean esate baterako norbaitek hitz txar bat inolako arrazoirik gabe edo, oihuka esaten dion bakoitzean. 4 Duela gutxi zahartu egin zen goizetik gauera, bapatean, eta galdu egin zuen bizitasuna eta baita estimazioa ere adibidez eder zaleena adibidez aurreko garaietan, eskaileretan aurkitzen zutenean edo, agur egiten zioten auzoena. Baina halere, inork ez luke esango munduak erabat ahaztu duenik, ni akordatu egiten bainaiz berarekin esate baterako gau batzuetan esate baterako autopistatik noala eta gogoratu beste batzuk, jakintsuagoak edo beren semealabekin gogoratzen diren bezala. Hitzak: Bernardo Atxaga. Musika: Jabier Muguruza. 6. BI MALETA BELTZ LAGUN Zure kotxean lanera zoazela bi beltz auto-stopean ikusita bi aukera dira zure baitan: bertan utzi edo beraiekin segi. Bigarrena aukeratzekotan, lasai ez zaitez kezkatu, arrenka, inolako paperik gabe muga pasatzeko eskatzen badizute. Borondate onean baina ikaratuta ez dela posible esan baduzu irtenbidea laster dizute bilatu maleteroan prestu direla joango. Zalantzak jota baina harro azkenean amore eman duzu ¡Buenas, Bonjour! mugarena egin duzu gordean bi maleta beltz lagun. Agur, agur, zoazte ondo ene zaku beltzak agian beste batean zuen izena jakinen dut. Hitzak eta musika: Jabier Muguruza. 7. URRUTI ENE LAGUNAK Ene lagunak urruti dira batzutan triste nabil euriarekin gogoratzen naiz haiekin. Aspaldi ez ditut ikusi ez didate idazten ez dakit nitaz ote diren gogoratzen. Batzutan gogoratzen zaizkit aspaldiko kontuak inor ez ordea ondoan askatzeko. Hain duk urria mundua hemen taberna eta kale jakin batzuetara zaik mugatzen. Gogoratu arren ez naiz min hemen geratuko naiz hemen bai ene euriarekin. Hitzak: Iñaki Irazu. Musika: Jabier Muguruza. 8. KORTESIA LEZIOA Jakin badakit egokia ez naizela ikasten ari naiz lezioa ordea. Tunante hori portatu hadi, hitzegitean neskari ez begiratu hankari. Otorduetan mahaian ukondorik ez jarri eta platera sekulan ez utzi zuri. Poliziaren aurrean txintxo egin edanzale badira etiketaz hitzegin. Politikorik bada hire lagunetan Aitorren semea haizela esan. Bakoitzari berea da zuzenbidea dagokion dohaina emaiozu ordaina. Zor diozunari pazientzia aipatu, hartzekodun bazina hitzaren garrantzia. Burua bota nahi duenari bakarra duena gogora ekarri. Eta inoiz astuna egokitu ezkero etxera goiz biltzeko komenientzia. Hitzak: Iñaki Irazu. Musika: Jabier Muguruza. 9. LORE EGUNA Musika: Jabier Muguruza. 10. HI BEZALA, HIK EZ BEZALA Hi bezala, Duke, ni ere txoratu egin ninduan bere gorputz hura zela-eta baina nik, hik ez bezala, errestaurante garestietara eramaten nian, edo zinera edo teatro saio bitxietara Hi bezala, Duke, ni ere txoratu egin ninduan bere gorputz hura zela-eta baina nik, hik ez bezala, nire patrika ondo hustu eta soinekoak edo pitxiak erosten nizkiokean Hi bezala, Duke, ni ere txoratu egin ninduan bere gorputz hura zela-eta baina nik, hik ez bezala, bizirik jarraitu nian, ez nian neure burua urkatu berak mingain more bat ikus zezan. Hitzak: Irving Layton. Musika: Jabier Muguruza. 11. ZURE ZAI Musika: Txema Garcés |
|
|
