|
Hain guapa zaude! Hitzak |
1. ITSASOAK EMANDAKO INDARRA
Nik jada ez dut kemenik itsasora Partitzeko Baina portura inguratzen naiz Oraindik ere Urrutira bidaian abiatzen direnei Begiratzera. Txikota lotzen edo askatzen Laguntzen diet. Eta harrigarria egiten zait ene Nekaduran Beste batzu abiatzea eta, areago, inor Handik honaino arribatzea. Bultzatzen dituen indar misteriotsua Oroitu nahi nuke. Hitzak: Joseba Sarrionandia. Musika: Jabier Muguruza. 2. GRAMATIKA DESEGILEA Beefeater luzeen gau baten ondoren Gauzak beste era batera ikusi ohi dira. Tuntun-ni-tuntun-zu, jolasean ibili ziren afari garaian, Eta azken tabernan musu eman zioten elkarri. Mutilaren Corsa txuria hartu zuten, Neskaren etxerantz bidean. Dena erabakita zegoen. Mutilak kanta bat prestatua zuen aurretiaz Bere Blaupunkt irratikasetean, Trikimailu guztiek huts egingo balute ere. ”J´aime faire l´amour avec toi”. Neskak kargua hartu zion, txantxetan. Mutilak bere burua zuritu zuen, serio, Hain hortera ez zelako aitzakia aterata, Eta, gainera, aditza ez zegoela ongi erabilita Haien bien egoerari buruz ari bazen, J´aime esaten baitzuen Eta j´aimerais esan behar. Mutilak neskaren etxe azpian gelditu zuen autoa. Neska irten egin zen. Atzetik jarraitzeko keinua egin zuen mutilak. Neskak, ordea, hatzez egin zion “non”. Letra: Inazio Mujika Iraola. Musika: Jabier Muguruza. 3. ZURE LAPURRA Hain guapa zaude Ohean lo Isil bare Ikara gabe Gau geldian Nik ez nahi Esnatzea ere Zure ederraren Lapurra naiz Goizian goiz Txintik gabe Isilgordean Kale hutsera Aterako naiz Ene soan Bil eginda Zure aurpegia Jasoko dut Inork ere Ikusiko ez duen Une batean. Hitzak: Iñaki Irazu. Musika: Jabier Muguruza. 4. KONTZERTUAK FRAKASO EGIN DU Egun txarretako lagunok Gau onak eman Eta alde egiten dut. Errekaudazioa txarra izan da Errua neurea da. Huts guztiak Ene gain hartzen ditut Entzun egin behar nizuen Cocker musika gehiago Jo behar nuen Gustatu egiten da musika hori Baina egin dudana egin dut Eta gero urduri jarri Fox-terrier musika jotzean Arkua afinatu egin behar da Jendea ez doa kontzertura Herioari zaunkaka aditzera Egun txarretako lagunok… Lo egin Amets egin Nire aldetik ene bisera hartu Eta bi hiru zigarro paketetik Eta banoa… Noizean behin har nazazue gogoan Gero… Esnatzen zaretenean Gogoan har foka eta izoki musika Musika hori jotzen duena Gauez Itxas ertzean Egun txarretako lagunok Gau onak eman Eta alde egiten dut Lo egin Amets egin Ni banoa. Preverten poema batean oinarritua. Musika: Jabier Muguruza. 5. ETXERA BERANDU HELTZEAN Etxera berandu heltzean Andreak itaun zakarrean Non arraio ibilia nintzen “Ez al dakizu bada Hamar lapur narruk Bahitu egin nautela Gorriak ikusi ditut, zera” “Ez idazu esan gizona! Eta ni bitartean hemen Ezer ere jakin gabean Zurekin haserre batean Beti bezalaxe tabernan Lagunekin lotua zinan! Koitadu hori, kontaidazu dena!” “Haietako bati ustegabean Aiztoa agudo kenduta Atzean jota utzita Ziztuan dut hanka egin Nondik nora enekiela Elefante txuri batekin Egokitu naiz bidean…” “Elefante txuria diozu? Nora bada eramana ote Lapur narru nazkante… Nik harrapatuko banu! Eta zer egingo dugu orain Etxea hain txikia izanik Elefantea ezin sarturik?” “Lasai andrea, zirko batean Utzia dut badaezpadan Eta suerte piska batekin (Bertan) onartuko digute Dohan emango dizkiguten Sarrera batzuen alde Ondo baderitzozu, beti ere” “Niregatik bada konforme Baina, aizu, eser zaitez Akitua egon behar duzu, Afaria prestatuko dizut Goxo bai goxoa, eta gero Bere baitan har zaitzan Loari eskatu behar diozu…” Hitzak: Iñaki Irazu. Musika: Jabier Muguruza. 6. EL PUEBLO GUAPEAO – HERRI APAINDUA La gente lleva flores Y las miradas de colores Los calcetines blancos Y las amapolas colorás Y háblale a la gente De las cosas que sólo tú sientes Y nunca te arrepientas De llevar en la cara lo que piensas Eta udaletxe berrian Gaur ere badugu ezkontza Salud y libertad Y el pueblo guapeao Herri apaindua… Hitzak eta musika: Kiko Veneno. 7. NESKA Neska polita Beltzarana, argia Bederatzi bat urte, Aldian, aldian Begia ubel Eskolara zana, “Erori egin naiz” Esaten zion Goizean maisuari Senarra ez beste Gizon batekin Amak izana, Bananduak Bizi izan ziren Denbora batean “Igande honetan Anai arrebak Bodara doatzi Baina ni etxean Lotuko naiz, Ez omen dut Joateko eskubiderik…” Hitzak: Iñaki Irazu. Musika: Txema Garcés. 8. BIKOTE GAZTEA Bikote gazteak, aspaldiko partez Etxetik kanpo, afaltzera egin du. Jatetxe batera, nahiko bildua, Garai batean ohikoa zutena, Dotore jantzita, harantza abiatu, Gizonak, telefonoz, erreserba egina du. Atetik sartzean, zenbat oroitzapen Gogora etorri zaizkien, Zerbitzariak irritsu, gau onak eman Eta mahai txiki bat iradoki die, Beti jaten zutena eskatu Eta zaharrak berritzen hasiak zaizkigu, Baina lehen platerarenak Egin baino lehenago ere Etorria eten, une luzean Isiltasun batek jo eta Ezustean harrapatu ditu Buruz buru, besterik gabe, Bata bestearen aurrean daude. Bapatean telefono hotsa Komedore osoan zehar Gizonaren mugikorra da eta Ekin dio deiari, eskuan hartuta Eta andreak gogoratu du Hots bat espero zuela Deiak luzerako eman du Bigarren platerakoan ere Irri xamur bat elkarri tarteka Postrerik nahi ez, kontua eskatu Eta kontent kontent, biek Etxerako bidea dute hartu. Hitzak eta musika: Jabier Muguruza. 9. CASA DE PEDRA Sombras levadas polo vento A lua dunha estrada secundaria Aquel corazón cansado que deixou A noite. Será mellor durmir un pouco. Ponse a chover. Sempre chove Cando ti morres. Se eu puidera detería O tempo xusto nos teus ollos conmovidos. Recuperar os trazos da tarde. Utilizar Unha feliz expresión. Viaxar a un Diccionario de palabras aladas. Teño toda a casa pra mín. Voute convidar a almorzar. Hitzak: J. Luis Padron. Musika: Jabier Muguruza. 10. BELARRI GARBIKETAN Gaur, Eskuineko belarria garbitzen ari nintzela, Hirekin akordatu naun Toulouse ikusi dinat, Hire islada kafe batean, Igandea azokan ahantzia, Hertsirik hoteleko gortinak, Eta trenetik urruntzen Geltokia Ondoren, Ezkerreko belarria hasi naiz garbitzen. Hitzak: Ion Aiastui. Musika: Jabier Muguruza. 11. BIZITZA BI (TXIRRITA FLAMENKOA) “Lapur txikiak kastigatzeko Nonahi badago kartzela Haundiak hor ikusten ditut Paseoan dabiltzala” Ene aurreneko bizitzan Ohostu nituen bi moto Eta segituan ostikoka Eraman ninduten preso Gartzelan SIDA harrapatu nuen Munduari esanez adio Eskerrak suerte handiz Berpiztu egin nintzen gero Lapur txikiak… Berpiztu eta hurrena Ene bigarren bizitzan Negozio bati ekin nion Azkarrago ibili nintzen Diputadu batekin saltsan Inmobiliariekin dantzan Ezkonduta bista handiz Aberats bihurtu nintzen. Hitzak: Jabier Muguruza. Musika: Mikel Azpiroz. |
|